kato Menjelang Balimau Diwaktu Hari Rayo sampai ke Lapik Bolombo

Jadi manolah tampaknyo kinin ko;

Kok puaso kito lah abih

Kito lah masuk ai yayo nan patamo,  yaitu ai yayo kotubah.

Jadi manolah tontang dek uang lobai.

Kok jonjang lah ditogakkannyo,  kok kotubah lah dibaco,

lah sombayang kito samo-samo,  kok kaji lah do qotomkan,

kok pitoah lah dibagikan.

Jadi nan kok betu tontang ai yayo kotubah,

iyolah sudah kito korojokan bosamo-samo.

Manonyo kinin ko,  kito masuk ai yayo nan koduo,

nan biaso juo kito buek,  kok tibo ai yayo,

Kito turun dai umuh cucu komanankan Datuk Bindaro Rajo,

manolah tontang Datung Mangku Alam.

Kok Jawuoh Ninik Mamak lah dijopuk,  kok dokek lah di imbau,

soroto cerdik pandai dalam nogoi.

Jadi iko, manolah tampaknyo,  kok patuk ketibo,  iyolah tibo,

mano iyo kedatang,  iyolah datang,  kok ponek lah bonti,

kok auh iyo lah bulieh ayie,  kok litak lah bulieh nasi alakadar nyo.

Dek Datuk Mangku Alam,  ditating sirieh nan sokapuo,

sampaikan kato nan sopatah,  manolah tujuan mokosuknyo,

nak boiriang panjang nan bagoba loeh, monuju tompek palimauwan.

Iyolah bairiang kito basamo-samo monuju tompek palimauwan.

Lah sudah kito balimau,  kito toruh kolapiek Bolombo.

Lah tibo di lapiek Bolombo,

lah ditating pulo sirieh nan sokapuo kapado Ninik Mamak,

sampaikan kato nan sopatah,  apolah tujuan makosuknyo,

tontang cucu komanakan kito basamo.

Kok godang,  mamak olun lai bo tombak,

kok tinggi mamak olun lai bo anjuong,

kok tuah mamak olun lai bosombah.

Jadi itulah tujuan mokosuk cucu komanakan kito nan basamo,

Kok godang,  mamak du iyo nak monombak,

kok tinggi, mamak iyo nak mo anjuong,

kok tuah mamak nak monyombah.

Mano nyo tando adat tak kunjuong hilang,  pusako tak kunjuong abih.

Iyo juo bak ibarat uang;

birik-birik tobang ko somak,  dai somak turun ko laman tosuo di tanah bonto,

dai niniek turun ko mamak,  dai mamak turun ko kopananakan,

patah tumbuh hilang boganti.

Pusako lamo bai itu juo;

Nak duo ibarat soiring,  ramo-ramo si kumbang jati,

kotik endah pulang bokudo,  patah tumbuh hilang bagonti,

pusako tingga di nan mudo.

Anak uang bangka alu jalan dai sonjo,

cumo soketu dolu,  komudian kito sambung pulo.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s