Monating Sirih

Kupu-kupu tebang ko imbo, inggok di antieng pulai,

kano kotu bajalan juo,  elak lah undieng kito mulai.

Ramo-ramo tebang molayang,

molayang ko totongah banyak nan ompek puluh limo,

indah Carano bukan kapalang,

tolotak di tongah-tongah di hadapan Mamak nan Bolimo.

Manolah isi Carano,

sirieh nan bosusun gambie nan bocabiek,  kapuo nan bapalik,

tembakau nan bajolai,  sarato pinang nan badidih.

Nan limo pakaro ko,  pamenan Manti yo Andiko atau pakaian Ninik dengan Mamak.

Manolah kami solaku Mantaro dek lah lamo tido korimbo,

lah somak jalan bakeh lalu,  dek lah lamo oso lah lupo,

dek banyak raso lah ragu,  ontah ko siapo sirieh ditating.

Manolah dek di mamak boi luruh kami batanyo,  boi asa kami boundieng,

kono dek di mamak lah lusuh dek momakai,  lah pasa dek monompuoh.

JAWAB

Manolah tanyo Mantaro tu, iyo lah.

Itulah kato nan sobananyo,  lai dalam baih jo balobeh,

Manolah bak bidalan uang;

Kok sogan botanyo sosek di jalan,  kok sogan mondayung anyuk sorantau.

Tapi kitolah samo tau juo,  elok sirih lega Carano,  elok kato bao bapakat,

kato suang dibulati,  kato bosamo bao bopoket.

Jadi kato Montaro,

kok gayung olun bosambuk,  kok tanyo olun lai bojawab.

Monantilah Montaro saat sokotiko,

supayo kami botenggang bocorito.

JAWAB

Manolah tontang tanyo Mantaro;

Iyo, bak bidalan uang, bulek ayie dek pomotung,  bulek kato dek bopoket.

Manolah tontang monorimo sirih,  kami sorahkan pado Datuk…..

JAWAB

Kok bukik tumbukan kabuk

Kok luah ikutan ayie

Sobab ko Datuk sirih to unjuk,

Bukan bosibak yo bosisih

Atau bo inggo yo bobateh,

Karano lah dapek kato nan sosuai,

unding nan so ukuo sototongan,

monarimo sirih…

Yo. .  Datuk nampaknyo….

Ko pulau jalan bobelok,  bao boronang pagi hari.

Kalau itu nan ko elok,  kami torimo dengan hati nan suci.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s