Timbun Tanah

Manolah adat awak ko,  bo dusun,  bo nogoi,  bokorong jo bokampung

Jadi manolah, iyo ko nampak-nampaknyo

Sokali monyobuk,  iyo buruknyo non ko tibo,  manolah buruknyo

Potang-potangnyo,  iyolah moningga moniang ko

Jadi manolah soal matiko, indo dapek kita ilak ken

Bak bidalan uang ko

Non bonyao du akan moasai sakik,  tiok-tiok non induk akan mati

Sobobnyo soal kematian tu,  iyolah jalannyo,  titian batu

Non tido dapak kito ilak kan

Jadi manolah tontang moniang ko,  lah kito solamati bosamo-samo

Lah tontu dek kito pondom pokuburannyo.

Manolah tontang dek uang pogawai,

Kok Tahlil lah di agieh,  kok doa lah di boi

Mulai monigo ai atau monujuh ai,  mo ompek puluh ai

Bahkan sampai mo atuh ai

Jadi manolah kinin du,  tontang dek sianu,  manolah tontang pusao sianu

Kok kociek olun bo pogodang, kok ondah olun bopotinggi

Jadi manolah mokosuk di Waris nyo non tingga

Walaupun sobuah batu,  sobingka tanah

Iyo nak mompotinggi nampaknyo

Manolah jauh dokek bojoputen

Iyo nak bosamo-samo, komai wak suk

Potang…….. iko suk.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s