Tokok Uang Dubalang

 

Manolah tokok uang Manti, uang cedik condo kito, uang arih bijaksana

Nan bo pucuk sobona bulek,  bo uek sobona tunggang,

Non tido lupo dek lamo, non tido ragu dek banyak,

Non tau kilek cemin nak ko muko, tau kilek boliwung ko kaki

Non tinggi tampak jauh, dokek jolong bosuo

Togak tompek boguru, duduk tompek bo aja.

 

Bak ibarat kayu godang monongah koto,  ureknyo tompek boselo

Batang tompek bosanda,  dahan tompek bogantung,

Daun rimbun tompek bolindung, tompek bolindung di hari paneh,

Tompek botoduh di hari hujan, buahnyo lomak untuk makanan uang nogori.

 

Gopuok tido mombuang lomak,  cediek tido mombuang kawan

Ibarat tukang tido mombuang kayu,  non bungkuok ke tangkai bajak

Non luruh ke tangkai sopuh,  non kociek ke pasak suntieng

So tompok ke papan tuai,  penarahan ke kayu api

Abunyo ke pupuk padi,

 

 

Non kociek bao bokawan,  non godang bao borunding

Non tuo dihormatinyo.

 

Non tau di ereng dengan gendeng,  tau di cupak dengan gantang

Tau mo agak dengan mo agih

Kok lai kusuk tido solosai, lai kowuh tido jenih

Kok lai unding non tebik dalam nogori atau buek non tido sudah

Lai buek tido sudah,  lai kato non tido abih

Kok di ambuo di lua paik,  kok dilumpekkan di lua paga.

Uang Manti non ke poi.

Kok topauk inyolah ko mo ungkai,  kok tokurung inyolah ko mo mukak.

Itu nan tokok dek uang Manti.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s