Tokok Uang Soko Jo Pisoko

 

Mano nan tokok dek uang Soko jo Pisoko

Nan tokok dek uang Pisoko;

Non punyo cucu koponakan nan banyak

Non rindih dek pakaian,  non sarek dek limbago

Non mengurung potang molopehkan pagi

Non moncolo-colokan siang,  mondonga-dongakan malam

 

Kok lai non tumbuh non tebik dalam posukuan.

Kok lai ibuk ke mondingin,  atau lai bieh ke molombokkan

Inyo uang Pisoko non ke tau dolu.

 

Itu non tokok dek uang Pisoko

Kok buek buek indo sudah dek inyo,  kok undieng indo putuh dek inyo

Kok biang tido inyo ke monombuk, concang tido inyo ke momutuh

Sobob nyo uang Pisoko momaih olun sokali kompuh

Momanggang tido sokali masak.

Manonyo gonting ke momutuh,  biang non ke monombuk

Inyolah mamak nan basoko.

 

Iyolah uang Soko;

Mano dek uang Soko

Uang bo sayap leba bo ikuo panjang

Bo alam leba bo dado lapang

Non monotukan buruok dengan bayiek dalam posukuan.

Non tau anting ke moncucuk,  tau dahan ke moimpok

 

Kok biang inyo ke monombuk,  concang inyo ke momutuh

Panjang boi bo uweh,  kotak boi bo buku

 

Non tau ereng dengan gendeng,  tau di kieh dengan bayang

Tau di tujuan kato sampai

To kilek ikan dalam ayie, lah tau jantan botinonyo

 

Kok tibo di ugi dengan labo

Kok mombagi samo banyak,  monimbang samo borek

Kok monganti samo ponuh

Non tau mo hukum jo mo hakim,  bungka gonok monahan asah

Omeh botuah tahan uji,  jiko luruh nyo tahan tiliek

 

Jikok bona nyo tahan liek,  pondapeknyo tahan solese

Bisa di kundang so antau ilie,  bisa di kundang so antau mudik

Kok di ontak jadi pitungguo,  kok disiek monjadi paga

Kok lai undieng kusuk tido solosai

Lai kowuoh tido jenih

Kok di julek bagaikan aka,  kok di lambai bagaikan api

Uang soko nan ke poi

 

Mano dek uang soko

Kok momanjek sampai ko pucuk

Kok monyolom sampai ko kesiek

Ikolah nan dikato dek uang Soko.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s